ABŞ-yň Energetika ministrligi ýurduň strategik ätiýaçlygyndan nebitiň 30 million barrelini aýyrmagy karar etdi. Bu barada TASS habar berýär.
2-nji martda satuw üçin nebitiň goşmaça möçberiniň açylmagy baradaky karar Ukrainanyň töweregindäki ýagdaý bilen baglydyr diýip, ministrlikde düşündiriş berdiler. Bu ädilen ädim bazardaky uly bökdençlikleri aradan aýyrmak, nebitiň üpjünçiligini deňagramlaşdyrmak, şeýle-de onuň bahasyny aşaklatmak maksady bilen baglydyr diýip görkezildi. ABŞ-yň hem degişli Halkara energetik agentligine girýän agza ýurtlar bilelikde 60 million barreli boşatmak baradaky ylalaşyga geldiler.
Ozal S&P halkara reýting agentligi ýakyn üç ýylyň dowamynda nebitiň bahasy ýokarlanar diýip baha berýär. Brentiň barreli 2022-nji ýylda 75$ bolmagyndan 85$-a galar, 2023-nji ýylda bolsa, 65$-dan 70$- çykar. 2024-nji ýylda barreli 55$ bolmagynda galar.
S&P-de WTI kysymly nebitiň bahasy üstümizdäki ýylda barreli 70$-dan 80$-a çenli gymmatlar, 2023-nji ýylda — 60$-dan 65$-a galar diýip hasaplaýarlar. 2024-nji ýylda barreliniň bahasy 50$ bolar diýip çaklanylýar.
