Ýeňil agramda UFC-niň russiýaly eks-çempiony Habib Nurmagomedow Frensis Ngannu we onuň şertnama gepleşikleri babatynda dowam edýän dawasy bilen bagly öz pikirini aýtdy.
“Boksda Fýuri bilen Ngannunyň arasyndaky bolup biljek söweş? Eger olar UFC-de söweşseler, hawa, Fýuriniň kän bir mümkinçiligi ýok. Ýöne boksda men hatda onuň ýüzüne el degirjek adamy göremok, belki Aleksandr Usik bolup biler.
Ngannu? Men ol UFC-de galmaly diýip pikir edýärin, ýöne eger ol boksa geçip, 50 mln dollar ýa-da 60 mln dollar gazansa – onda ol muny etmeli? Näme üçin etmeli däl?” – diýip, BJ Penn saýty Sky Sports-a salgylanyp, Nurmagomedowyň sözlerini getirýär.
Ngannu UFC 270 turnirinde Siril Gany ýeňip, liganyň çempiony titulyny gorady.
