Prezident Gurbanguly Berdimuhamedow jenap Frank-Walter Ştaýnmaýere Germaniýa Federatiw Respublikasynyň Federal Prezidenti wezipesine gaýtadan saýlanylmagy mynasybetli gutlag hatyny iberdi.
“Biz Türkmenistan bilen Germaniýa Federatiw Respublikasynyň arasyndaky dostlukly gatnaşyklara ýokary baha berýäris” diýip, türkmen Lideri Gutlag hatynda belledi we geljekde bu gatnaşyklaryň iki ýurduň halklarynyň bähbitlerine mundan beýläk-de ösdüriljekdigine ynam bildirip, Prezident Frank-Walter Ştaýnmaýere berk jan saglyk, bagtyýarlyk hem-de täze başlangyçlarynda üstünlikleri arzuw etdi.
Ýeri gelende bellesek, Germaniýada 1472 adam Prezidenti saýlamak üçin ýygnanýan ýörite konstitusion edaranyň birleşiginiň wekilleri bolup durýar. Ştaýnmaýer 1045 adamyň sesini aldy. Ilkibaşda onuň dalaşgärligini iri partiýalaryň ählisi diýen ýaly goldady.
