Smartfon öndürijileriniň köpüsi häzire çenli öz gurluşlaryny Android-iň ýörgünli wersiýasy – Android 12-ä çenli täzeläp ýetişmediler. Ýöne Google eýýäm ulgamyň indiki nesliniň – Andorid 13-iň ilkinji synag görnüşini çykaryp bildi diýip, ferra.ru belleýär.
Bu görnüş Developer Preview 1 diýlip atlandyrylýar we şunuň esasynda onuň ilkinji nobatda işläp düzüjiler üçin niýetlenendigi barada netije çykarmak bolar. Ony Pixel 6 Pro, Pixel 6, Pixel 5a 5G, Pixel 4a (5G), Pixel 4a, Pixel 4 XL, Pixel 4 smartfonlarynyň eýeleri ýükläp alyp bilýärler.
Häzirki wagtda Android 13-iň birnäçe täze gizlinlik, dili dolandyryş funksiýalaryna, şeýle-de täzelenen temalara eýe bolandygy bellidir. Mysal üçin, ulanyjylar ulgam bezegine baglylykda programmalar üçin dürli nyşanjyklary gurnap bilýärler. Öň bu diňe Google programmalary üçin elýeterlidi.
Ulgamyň açyk beta-synagy 2022-nji ýylyň maý aýyna meýilleşdirilýär. Onuň doly derejeli reliziniň güýzde bolmagyna garaşylýar.
