Xiaomi geljek üç ýylda Hytaýyň smartfon bazarynda lider bolmak isleýär

  • 12.02.2022 09:32
  • 3.6k+

Hytaýyň iň uly smartfon öndüriji kompaniýasy Xiaomi geljek üç ýylda HHR-de Apple amerikan kompaniýasynyň önümlerini gysyp çykaryp, satuw boýunça birinji orny eýelemek isleýär. Bu barada ony esaslandyryjy Leý Szýuna salgylanyp, “Isaý global” iş çeşmesi habar berýär.

Degişli meýilnamalar 2024-nji ýyla çenli Hytaýda smartfon bazarynyň esasy bölegini eýelemegi göz öňünde tutýan kompaniýanyň ösüş strategiýasy boýunça geçirilen seminarda hödürlendi. Häzirki wagtda Xiaomi beýleki öndürijiler tarapyndan güýçli bäsdeşlik bilen ýüzbe-ýüz bolýar. HHR-de häzirlikçe öňdebaryjy orny 2021-nji ýylyň dördünji çärýeginiň ahyryna çenli ýagdaýa görä ýerli bazarda 20,6% paý bilen Apple eýeleýär. 

Xiaomi bolsa häzirlikçe 15,8% bazar paýy bilen bäşinji orunda ýerleşýär.

Geçen ýylyň dekabr aýynyň ahyrynda Leý Szýun geljek bäş ýylda Apple-den bäsdeşlik artykmaçlygyny gazanmak we smartfon satuwy boýunça global lidere öwrülmek üçin kompaniýanyň hususy ylmy-gözleg işlerine 100 mlrd ýuana çenli möçberde ($15,7 mlrd) maýa goýjakdygyny aýtdy. Canalys marketing kompaniýasynyň maglumatlary boýunça, 2021-nji ýylyň dekabr aýynyň ahyryna çenli ýagdaýa görä Apple smartfonlary dünýä bazarynyň 22%-ini, Samsung we Xiaomi smartfonlary bolsa degişlilikde 20%-ini we 12%-ini eýelediler.


27.05.2025 13:17
3k+

Xiaomi ýylyň birinji çärýeginde dakylýan enjamlar bazarynda Apple-y geçdi

2025-nji ýylyň birinji çärýeginde Xiaomi kompaniýasy dakylýan enjamlaryň dünýä boýunça ibermeleriniň sany boýunça birinji orna çykyp, Apple-y yzda galdyrdy. Canalys analitikleriniň maglumatlaryna görä, kompaniýa 8,7 million enjam iberipdir, bu bolsa geçen ýylky bilen deňeşdirilende 44% köp...

04.05.2025 02:17
4k+

Samsung smartfon bazarynda ýene öňdebaryjy, Apple ikinji orna düşdi

Canalys kompaniýasy 2025-nji ýylyň birinji çärýeginde global smartfon üpjünçiligi barada maglumatlary hödürledi. Analitiki kompaniýanyň maglumatlaryna görä, bu döwürde 296,9 mln smartfon iberildi – bu geçen ýylyň degişli döwründäkiden 0,2% köpdür...

19.04.2025 23:05
7.1k+

Apple Hytaýyň smartfon bazarynda bäşinji orna düşdi

2025-nji ýylyň birinji çärýeginde Hytaýda smartfon bazary 3,3% ösüp, 71,6 mln smartfona ýetdi. IDC-niň maglumatlaryna görä, ösüşe 810 dollara çenli bahadaky smartfonlar üçin döwlet ýeňillikleri we Hytaý Täze ýylynyň baýram edilen döwründe möwsümleýin isleg ýardam etdi...

02.04.2025 10:13
5.6k+

Ululygy boýunça dünýäde üçünji polat öndürijisi ýyly bir milliard dollar ýitgi bilen jemledi

Hytaýyň Angang Steel polat öndüriji kompaniýasy 2024-nji ýyly 7,12 milliard ýuan (981 million dollar) möçberinde arassa ýitgi bilen tamamlandy. Bu 2023-nji ýylyň görkezijilerinden iki esse ýaramaz diýip, Bloomberg...