“Türkmennebit” döwlet konsernine 250 million manatdan gowrak maýa goýum serişdeleri bölünip berildi. Bu barada 8-nji fewralda Ministrler Kabinetiniň Başlygynyň käbir orunbasarlarynyň gatnaşmagynda geçirilen iş maslahatynyň dowamynda Prezident Gurbanguly Berdimuhamedow degişli Karara gol çekdi.
Ýeri gelende bellesek, türkmen Lideriniň degişli Kararlaryna laýyklykda, golaýda “Türkmengaz” döwlet konsernine jemi 159 million 530 müň 900 manat, “Türkmengeologiýa” döwlet korporasiýasyna bolsa 75 million manat möçberde maýa goýum serişdesi bölünip berildi.
