«Taliban» Hereketi 2021-nji ýylyň awgustynda Owganystanda häkimiýet başyna geçenden bäri ilkinji gezek zenan maşgalany ýolbaşçy wezipä belledi. Medeniýet we maglumat ministriniň orunbasary Zabihulla Mujahidiň sosial torlarda beren maglumatyna görä, häzirlikçe gürrüň diňe saglygy goraýyş ulgamy babatda barýar diýip, Day.Az habar berýär.
Wagtlaýyn Ministrler Kabinetiniň ýolbaşçysynyň karary bilen, lukman Malalaý Rahim Kabuldaky ýöriteleşdirilen «Malalaý» dogrum öýüniň — Owganystandaky bu ugurdan ýeke-täk akuşerçilik-ginekologik edarasynyň direktory wezipesine bellenildi. Lukman Arian bolsa Kabuldaky Şahrar kwartalyndaky ginekologiýa klinikasynyň direktory bellenildi.
