Geçen ýylyň jemi boýunça Özbegistanyň GDA-nyň beýleki ýurtlary bilen daşary söwda dolanyşygy 2020-nji ýylyň degişli döwri bilen deňeşdirilende 5,1% ýokarlanyp, 37,7% boldy. Bu barada “Dune” habarlar agentliginiň habarçysy habar berýär. Muny cis.minsk.by ýetirýär.
Döwlet statistika komitetiniň maglumatlaryna görä, Özbegistanyň GDA ýurtlary bilen daşary söwda dolanyşygy 15867,8 mln ABŞ dollaryna ýetdi, şolardan eksportyň göwrümi 5407,6 mln dollar, importyň göwrümi 10460,2 mln dollar boldy.
Özbegistan GDA ýurtlaryndan, esasan, Russiýa (47,4%), Gazagystan (24,6%) we Gyrgyzystan (6%) bilen söwda etdi.
Özbegistanyň Ýewraziýa Ykdysady Bileleşiginiň döwletleri bilen daşary söwda dolanyşygy 12770,8 mln dollara ýetdi, şolardan eksportyň göwrümi 4091 mln dollar, importyň göwrümi 8679,8 mln dollar boldy.
Özbegistanyň 2021-nji ýylyň ýanwar-dekabr aýlarynda beýleki ýurtlar bilen söwdasy 2020-nji ýylyň degişli döwri bilen deňeşdirilende 5,1% pese düşdi we umumy daşary söwda dolanyşygynyň 62,3%-ine deň boldy.
Ýatlap geçsek, geçen ýyl Özbegistan 182 ýurt bilen söwda gatnaşyklaryny saklady.
