Beýik Hytaý diwarynyň uzynlygy iki metre golaý uly bolmadyk bölegi Sinhaý welaýatynda şenbe güni bolup geçen ýer titreme zerarly ýumruldy. Bu barada RIA Nowosti agentligi Global Times-e salgylanyp habar berýär.
«Ýer titremäniň epimerkezinden 114 kilometrlikde ýerleşýän demirgazyk-günbatar Gansu welaýatynyň Şandan uezdinde Beýik Hytaý diwarynyň iki metri ýumruldy» — diýlip, neşiriň habarynda aýdylýar.
Ýer titremeden soň, häkimiýetler medeni ýadygärlikleri gözden geçirdiler we diwaryň ýumrulan ýerini ýüze çykardylar. Bellenilişi ýaly, ýerasty tolkunlar Min Imperiýasynyň hereket eden döwrüne gabat gelýän bölegine zyýan ýetiripdir (1368-1644-nji ýyllar).
Hünärmenler zerur bolan direglerleri oturtdylar we abatlaýyş-dikeldiş işlerine başladylar.
Ýewropa-Ortaýerdeňiz seýsmologiýa merkeziniň (EMSC) maglumatyna görä, ýer titremäniň magnitudasy 6,3 bal bolupdyr. Ýerli hünärmenler magnituda 6,9 bala barabar boldy diýip hasaplaýarlar.
Ýer titreme az ilatly nokatda bolup geçse-de, yrgyldylar käbir iri şäherlerde hem duýuldy. Ýer titreme netijesinde 9 adam şikes aldy, olaryň 8-si hassahanadan çykaryldy.
