Apple ABŞ-nyň Gymmatly kagyzlar we birža komissiýasyna beren resminamasynda Tim Kukuň zähmet hakyny, onuň uçuşlary we goragy üçin çykdajylary mälim etdi. Bu barada www.iphones.ru habar berýär.
2021-nji ýylda Kukuň zähmet haky 3 mln dollar boldy. Mundan başga-da, ol maliýe meýilnamasynyň ýerine ýetirilendigi üçin 10,7 mln dollar we “beýleki” öwezini dolma hökmünde 1,38 mln dollar aldy.
Şeýle-de, Apple-iň müdirler geňeşi baş direktora aksiýa görnüşinde 82 mln dollar töledi. Şeýlelik bilen, 2021-nji ýylda Kuk 98,7 mln dollar gazandy.
Kompaniýa aýlykdan başga-da, Kukuň goragy we hususy uçarda uçuşlary üçin ähli çykdajylaryň öwezini dolýar. Apple-iň müdirler geňeşi 2017-nji ýylda howpsuzlygy üpjün etmek maksady bilen hususy uçaryň ulanylmagyny zerur diýip hasaplady.
2021-nji ýylda Apple Kukuň uçuşlaryna 712 müň dollar sarp etdi. Onuň goragy üçin bolsa kompaniýa 630 müň dollar harçlady.
