Halkara futbol federasiýasy (FIFA) öz saýtynda 2021-nji ýylyň iň gowy tälimçisi üçin baýraga dalaşgärleriň gysga sanawyny ýerleşdirdi. Bu barada RIA Nowosti habar berýär.
Jemleýji sanawa Hosep Gwardiola (“Mançester Siti”), Roberto Mançini (Italiýanyň milli ýygyndysy) we Tomas Tuhel (“Çelsi”) girdi. Ondan öň bu baýraga Antonio Konte (“Inter”, “Tottenhem”), Hans-Diter Flik (“Bawariýa”, Germaniýanyň milli ýygyndysy), Lionel Skaloni (Argentinanyň milli ýygyndysy) we Diego Simeone (“Atletiko Madrid”) hem dalaş edipdi.
Ýeňiji 17-nji ýanwarda Şweýsariýanyň Sýurih şäherinde geçiriljek onlaýn baýrak gowşurylyş dabarasynda yglan ediler.
