Dünýäniň ilkinji raketkasy Nowak Jokowiç Australian Open ýaryşyna gatnaşmak üçin hökmany sanjym talaplaryndan sowlup geçmegi başardy. Bu barada Euronews habar berdi.
Ýaryşy guraýjylar serbiýaly tennisçiniň arzasyny onuň sanjymynyň lukmançylyk taýdan ret edilendigi baradaky şahadatnama bilen bilelikde kabul etdi. Resminamalaryň iki sany garaşsyz komissiýa tarapyndan gözden geçirilendigi nygtalýar.
Jokowiçiň özi howa menzilinden gowy dynç alyp, ýakynlary bilen ajaýyp wagt geçireninden soň Awstraliýa gidip barýandygy baradaky ýazgy bilen surat ýerleşdirdi.
Nowak Jokowiç sanjym almaga mejbur etmek pikirini birnäçe gezek tankytlapdy. Tennisçi 2020-nji ýylda: "Özüm sanjym edilmegine garşy, kimdir biriniň dünýäni aýlanyp bilmegi üçin sanjym almaga mejbur edilmegini islemeýärin" - diýip belläpdi.
Awstraliýadaky ýaryşy guraýjylar sanjym edilmedik türgenlere ýaryşa kabul etmezlik bilen haýbat atdylar, ýöne ahyrynda lukmançylyk taýdan degerli sebäpler bilen sanjym alyp bilmeýänler üçin kadadan çykma yglan etmäge mejbur boldular.
