Türkmenistanyň Owganystan Yslam Respublikasyndaky diplomatik wekilhanasy käbir daşary ýurt habar beriş serişdeleriniň türkmen-owgan serhedinde çylşyrymly ýagdaýyň emele gelendigi barada galp maglumatlaryny ret etdi.
– Käbir habar beriş serişdelerinde türkmen-owgan serhedindäki ýagdaý barada tassyklanylmadyk hem-de hakykata laýyk gelmeýän maglumatlar peýda boldy. Türkmenistan hemişelik Bitaraplyk hukuk derejesine laýyklykda, Owganystan bilen hoşniýetli goňşuçylyk gatnaşyklaryny dowam edýär, türkmen-owgan serhedi bolsa dostluk serhedidir — diýlip ilçihananyň metbugat merkeziniň beýanatynda aýdylýar.
Owganystanyň DIM-niň wekili Abdul Kahar Balhi hem serhetde çylşyrymly ýagdaýyň ýüze çykandygy baradaky maglumaty ret etdi.
–Biziň we goňşy döwletimiz Türkmenistanyň arasynda hiç hili mesele ýok. Biz dostlukly döwletler we dünýäniň ähli döwletleri bilen diplomatik hem-de dostlukly gatnaşyklary dowam etmek isleýäris — diýip, Balhi Twitter sahypasynda ýazdy.
