«Mançester Ýunaýtediň» hüjümçisi Kriştianu Ronaldu çykyş edýän klubynyň häzirki möwsümde oýnunyň jemlerini jemläp, görkezijiler babatda närazylygyny mälim etdi.
«Men «MÝ-niň» netijelerinden kanagatlanmaýaryn. Biziň ählimiz hem närazy, muňa meniň şübhäm ýok. Has yhlasly işläp, häzirki görkezýän oýnumyzdan has gowy oýun görkezmelidigimizi bilýäris».
Goý, Täze ýyl möwsümiň aýgytly pursatyna öwrülsin! Geliň, 2022-nji ýyly belent ruh hem güýçli mentalitet bilen garşylalyň. Geliň, elimizde baryny edeliň hem-de kluby hakyky ýerleşmeli ornuna dolap getireliň! Bize goşulyň, biz size umyt edýäris! Täze ýylyňyz bilen, ýakynda görşeris» — diýip, portugaliýaly oýunçy Instagram sahypasynda ýazdy.
Häzirki dowam edýän möwsümde Ronaldu klubyň düzüminde 15 duşuşyga gatnaşyp, 8 gol geçirdi we 3 sany netijeli ýardam pasyny geçirdi. «Mançester Ýunaýted» bolsa, APL-nyň ýaryş jedwelinde 31 utuk bilen ýedinji orunda ýerleşýär. Birinji orunda 53 utuk bilen «Mançester Siti» ýerleşýär.
