Newzoo kompaniýasy tarapyndan neşir edilen maglumatlara görä, koronawirus ýokançlygy sebäpli ýüze çykýan global problemalara garamazdan, kompýuter oýunlary pudagy girdejiler babatdaky rekordlary täzeleýär. Bu barada Venture Beat-e salgylanyp, ferra.ru habar berýär.
2020-nji ýyldan bäri täze geýmerleriň sany artdy diýip, çeşme belleýär. Bu babatdaky görkezijileriň geçen ýyldakydan köpelmegi pandemiýa we global lokdaunlar sebäpli bolup biler, sebäbi oýun ýeňil güýmenjä öwrüldi. Newzoo oýun pudagynyň ýyllyk 175,8 milliard dollar girdeji gazanjakdygyny çaklapdy. Muňa garamazdan, ýyllyk girdeji 180,3 milliard dollara barabar boldy.
“Ýylyň başynda biz bazar 2020-nji ýyldaky görkezijilerden ýokary geçip bilmez öýtdük... Şeýle-de bolsa, 2022-nji ýyla dokuz aý galanda biz bazaryň ýene ösjekdigine düşündik” -diýip, Newzoo-nyň hasabatlar we çaklaýyş bölüminiň başlygy Tom Wiiman belledi.
Hakykatdanam, esasan, 7,3 göterim ýokarlanan mobil pudagynyň ösüş depgini sebäpli, görkezijiler analitikleriň garaşyşlaryndan has ýokary boldy. Kompýuter we konsol bazarlary hem garaşylýandan has gowy netije görkezip, degişlilikde, 0,8 milliard dollar we 1,2 milliard dollar girdeji gazandy.
