Şu gün — 25-nji dekabrdan başlap, geljek ýylyň 1-nji ýanwaryna çenli Türkmenistanda Täze ýyl baýramy mynasybetli, käbir harytlaryň bahalary 50 göterime çenli arzanladylar. Bu barada 24-nji dekabrda sanly ulgam arkaly geçirilen Hökümet mejlisinde türkmen Lideri degişli ýolbaşçylara tabşyryk berdi.
Mejlisiň dowamynda Prezident Gurbanguly Berdimuhamedow Täze ýyl baýramy mynasybetli goşmaça durmuş çärelerini guramak boýunça anyk görkezmeleri berdi. Hususan-da, wise-premýer Ç.Gylyjowa ertirden başlap, geljek ýylyň 1-nji ýanwaryna çenli bazarlarda we dükanlarda senagat hem-de azyk harytlarynyň baýramçylyk satuwyny guramak, adamlaryň dogan-garyndaşlary we ýakynlary üçin sowgatlary alar ýaly hem-de Täze ýyl baýramyny gowy geçirer ýaly, käbir harytlaryň bahasyny 50 göterime çenli arzanlatmak tabşyryldy.
Wise-premýer M.Mämmedowa bolsa metbugatda we teleradioýaýlymlarda bu çäräni hem-de arzanladylan bahadan satylýan harytlary giňden mahabatlandyrmak barada görkezme berildi.
