Amerikanyň Apple kompaniýasy uzak aralykdan işleýän her bir işgärine müň dollar tölemek kararyna geldi. Bu serişde öýde iş ýerini gurnamaga kömek etmek üçin niýetlenendir. Bu barada ferra.ru habar berdi.
Kömek puluny bermek karary baradaky maglumaty kompaniýanyň başlygy Tim Kukyň özi mälim etdi. Muny ilkinji bolup Bloomberg neşiri köpçülige ýetirdi.
“Bu serişdeler size öýdäki iş ýeriňiz babatda kömek etmek üçin niýetlenendir. Olary öz islegiňiz boýunça ulanyp bilersiňiz"-diýip, tehnologiýa ägirdiniň baş direktory aýtdy. Şeýle hem ol özüni we töweregindäkileri goramak üçin sanjymyň möhümdigini ýatlatdy.
Ýatlap geçsek, Apple-iň işgärleri uzak aralykdan iş tertibine koronawirus pandemiýasynyň başlamagy sebäpli geçipdiler.
