“Pari Sen-Žermeniň” we Argentinanyň milli ýygyndysynyň hüjümçisi Lionel Messiniň transfer bahasy 20 mln ýewro arzanlady. Bu barada Transfermarkt portalyna salgylanyp, lenta.ru habar berýär.
Ýedi gezek “Altyn topuň” eýesi bolan futbolçynyň bahasy 25% peseldi. Häzirki wagtda onuň bahasy 60 mln ýewro. Soňky gezek ol şeýle baha 2009-njy ýylda eýe bolupdy. Iň ýokary baha 2018-nji ýylyň maý aýynda ýetildi, şonda Messiniň bahasy 180 mln ýewro boldy.
34 ýaşly argentinaly hüjümçi fransuz klubunda ilkinji möwsümini geçirýär. Häzirki möwsümde ol 15 oýna gatnaşyp, alty gol geçirdi.
Messi “PSŽ-e” “Barselonadan” geçdi. “Barselonanyň” düzüminde ol dört gezek Çempionlar ligasynda ýeňiji bolup, on gezek Ispaniýanyň çempiony boldy.
Şeýle-de, “PSŽ” klubunyň ýene bir ýyldyzy Neýmaryň hem bahasynyň 10% arzanlandygyny bellemek gerek. Onuň transfer bahasy 100 mln ýewrodan 90 mln ýewro çenli peseldi.
