Uber programmasy ilkinji gezek kosmosa iýmit eltip berdi. Bu barada CNET web sahypasyna salgylanyp, ferra.ru habar berdi.
Uber Eats kosmosa ilkinji gezek iýmit eltip berendigini mälim etdi. Munuň üçin kompaniýa adaty çaparyň (kurýeriň) ýa-da sürüjiniň däl-de, eýsem, ýapon telekeçisi Ýusaku Maezawanyň kömeginden peýdalandy. Ýadymyzda bolsa, Ýusaku Maezawa ýakynda Russiýanyň “Soýuz” kosmos gämisi arkaly öz kömekçisi bilen orbita çykypdy.
Maezawa Halkara kosmos stansiýasynyň ekipažyna Uber Eats bukjasyny we taýýar konserwirlenen ýapon naharyny eltdi. Kompaniýanyň wekilleriniň pikiriçe, olar adaty kosmos iýmitleriniň köpdürlüligine uly goşant goşdular.
Hawa, Halkara kosmos stansiýasynda işlemegiň howply hem-de ýetmezçilikli taraplary hem bar. Mysal üçin, ol ýerde ýörite programmalary açagada, öz halaýan iýmitiňi orbita getirdip bolmaýar. Emma Uber geljekde bu ýagdaýy düzetmegi hem-de orbital iýmit eltip bermek hyzmatyny ýola goýmagy meýilleşdirýär.
