Telegram messenjeri 2021-nji ýylda iň çalt ösýän mobil programma boldy. Bu barada kompaniýany esaslandyryjy Pawel Durowyň sözlerine salgylanyp, ferra.ru habar berdi.
Pawel Durow Telegram boýunça 2021-nji ýylyň jemlerini jemledi. Netijede, ol programmanyň üstünlikli görkezijileriniň bardygyny belledi. Durowyň pikiriçe, Telegram 2021-nji ýylda iň çalt ösýän mobil programma boldy, ýagny messenjer Appannie platformasy tarapyndan düzülen Top Breakout Chart reýtinginde birinji orny eýeledi. Munuň özi Telegram-da işjeň ulanyjylaryň sanynyň dünýäniň beýleki mobil programmalaryna garanyňda has çalt ösendigini aňladýar.
Durow 2021-nji ýylyň adamlaryň "açgöz korporasiýalaryň hormatsyz gatnaşygyndan" bizar bolup, gizlinlik hukuklary goragly bolan Telegrammy saýlan ýyly hökmünde ýatda galjakdygyny aýdýar. Şeýle hem ol messenjeriň ulanyjylar üçin has köp täzelikleri taýýarlandygyny sözüniň üstüne goşýar.
