«Red Bull» toparynyň niderlandly sürüjisi Maks Werstappen 2021-nji ýylyň möwsüminde «Formula-1» ulag klasyndaky awtoýaryşlar boýunça dünýä çempionatynda ýeňiji boldy.
Abu-Dabiniň Gran-prisinde niderlandly sürüji birinji orny eýeledi. Ikinji orny “Mersedesiň” sürüjisi britaniýaly Lýuis Hemilton, üçünji orny “Ferrariden” ispaniýaly Karlos Saýns eýeledi.
Jemleýji, 22-nji tapgyr başlamazdan ozal, Werstappen bilen Hemiltonyň hersinde 369,5 utuk bardy. Jemleýji ýaryşdan soň niderlandlynyň hasabynda 395,5 utuk boldy, britaniýaly 8 utuk yza galdy. Umumy hasapda üçünji orny “Mersedesiň” 226 utuk gazanan finlýandiýaly sürüjisi Waltteri Bottas eýeledi.
