Çempionlar ligasynyň Sankt-Peterburgda geçiriljek final oýnunyň guramaçylyk komitetiniň başlygy Alekseý Sorokin duşuşygyň petekleriniň haçan satylyp başlanjakdygyny aýtdy. Bu barada russian.rt.com habar berdi.
“Petekleriň mart aýynda satuwa çykarylmagyna garaşýarys. Petek maksatnamasynyň aýratynlyklary hakda soňrak bileris. Finalyň tapawutly aýratynlygy, petekleriň ep-esli böleginiň finalçylaryň janköýerlerine paýlanmagydyr"-diýip, Sorokin metbugat ýygnagynda nygtady. Şeýle hem, Çempionlar ligasynyň finalynyň guramaçylyk komitetiniň başlygy çäräni geçirmek babatda hiç hili kynçylyklara garaşmaýandygyny aýtdy.
Sankt-Peterburgdaky Çempionlar ligasynyň finaly 2022-nji ýylyň 28-nji maýynda bolar. Ilkibaşda rus şäheri 2021-nji ýyldaky finaly kabul etmelidi, ýöne koronawirus ýokançlygy sebäpli UEFA bu ýylky Çempionlar ligasynyň finalyny Porto şäherinde geçirmek we Sankt-Peterburga çäräni bir ýyldan soň geçirmek hukugyny bermek kararyna geldi.
