Dreýk «Gremmi» baýraklaryna dalaşgärlikden ýüz öwürdi

  • 09.12.2021 09:04
  • 3.9k+

Dreýk tahallusy bilen tanalýan kanadaly repçi Obri Dreýk Greham "Gremmi" aýdym-saz baýraklaryna dalaşgärleriň sanawyndan öz adynyň aýrylmagyny sorap, Milli sungat we grammofon ýazgy tehnikasy akademiýasyna ýüz tutdy. Bu barada akademiýanyň wekiline salgylanyp, Variety žurnaly habar berdi.

Žurnalyň ýazmagyna görä, aýdymçy “Certified Lover Boy” aýdymy üçin “Iň gowy rep albomy” ugry boýunça, şeýle hem “Way 2 Sexy” aýdymy üçin “Iň gowy rep ýerine ýetirijiligi” ugry boýunça dalaşgärleriň arasyndady. Baýragyň web sahypasynda görkezilen maglumatlara görä, Milli akademiýa onuň adyny eýýäm dalaşgärleriň sanawyndan aýyrdy. Repçiniň wekilleri bu barada maglumat bermekden saklandylar. Muňa onuň baýragyň guramaçylary bilen jedelli gatnaşyklary sebäp boldy diýip, Variety žurnaly belleýär.

Ýatlap geçsek, 64-nji "Gremmi" baýraklarynyň gowşurylyşy 2022-nji ýylyň 31-nji ýanwarynda Los-Anjelesde geçiriler. Onda dalaşgärler jemi 85 ugur boýunça bäsleşerler.

15.09.2025 09:52
7.8k+

Armani iki wesýetnama goýup gitdi: onuň imperiýasyny kim miras alar?

4-nji sentýabrda 91 ýaşynda aradan çykan Jorjo Armani iki wesýetnama galdyrdy. Modelýeriň çagasy ýok, diňe üç ýegeni we kiçi uýasy bar. Şol bir wagtyň özünde, Armani Italiýanyň iň baý adamlarynyň biri bolupdy we ýakynda onuň şahsy baýlygy 11,6 mlrd dollar diýlip hasaplandy...

14.09.2025 19:04
2.9k+

Balenciaga ýene parfýumeriýa gaýdyp gelýär we 1947-nji ýylyň hoşboý ysyny dikeltmek isleýär

Balenciaga fransuz modalar öýi ýokary derejeli parfýumeriýa toplumynyň çykandygyny habar berdi. Balenciaga 1947-nji ýylda döreden Le Dix atly ilkinji hoşboý ysyny gaýtadan çykarmagy meýilleşdirýär. Täze çüýşeler ilkinji atyryň taryhy dizaýnyny gaýtalaýar...

11.09.2025 19:49
6.6k+

Modelýer Jorjo Armani barada film düşüriler

“Ferrari” filmini döredijileriň biri bolan italýan prodýuseri Andrea Ýerwolino modelýer Jorjo Armani barada terjimehal filminiň düşüriljekdigini mälim etdi. Bu barada Deadline neşiri habar berýär. Film XX we XXI asyrlaryň iň abraýly moda dizaýnerleriniň biri diýlip atlandyrylýan Armaniniň şahsy we hünär durmuşyna bagyşlanar...

07.09.2025 15:56
4.1k+

Ýaponiýaly dizaýner Soşi Osuki LVMH Prize 2025 baýragyny aldy

Soshiotsuki brendini esaslandyryjy, ýaponiýaly dizaýner Soşi Osuki LVMH Prize-yň ýeňijisi boldy. WWD-iň habar bermegine görä, ol 400 müň ýewro we LVMH toparynyň bilermenlerinden bir ýyllyk halypalyk sapagyny alar...