Merriam-Webster amerikan düşündirişli sözlügi “waksinany” 2021-nji ýylyň sözi hökmünde saýlady. Bu barada sözlügiň saýtyndaky beýannamada aýdylýar. Muny www.interfax.ru ýetirýär.
“Gündelik ulanylyşda sözler beýannamalary, pikirleri, islegleri we kesgitsizlikleri beýan etmäge kömek edýän gurallardyr. Ýöne olar ideologik gapma-garşylyk üçin hem serişde bolup bilýärler. 2021-nji ýylda “waksina” bilen hem şeýle boldy” – diýlip, Merriam-Webster-iň saýtynda bellenilýär.
Şeýle-de, döwrümiziň iň uly ylmy taryhynyň syýasy jedele we gapma-garşylyklaryň merkezine öwrülendigi we bu iki taryhyň merkezinde-de “waksina” sözüniň bolandygy bellenilýär. Merriam-Webster-iň maglumatlary boýunça, “waksina” sözi bilen bagly gözlegleriň sany geçen ýyl bilen deňeşdirilende 601%, 2019-njy ýyl bilen deňeşdirilende 1048% ýokarlandy.
Sözlük 2021-nji ýylda has köp ünsi çeken ýene 10 sözi tapawutlandyrdy. Olar şeýle sözlerdir: "Insurrection", "Perseverance", "Woke", "Nomad", "Infrastructure", "Cicada", "Murraya", "Cisgender", "Guardian", "Meta".
2020-nji ýylda Merriam-Webster-iň pikiri boýunça ýylyň sözi “pandemiýa” boldy.
