Steam sanly platformasy bir wagtyň özünde onlaýn bolan ulanyjylaryň sany boýunça täze rekord goýdy. Valve dükanynda dürli üýtgeşmeleri yzarlaýan SteamDB portaly iň ýokary derejede platformadan 27 182 165 adamyň peýdalanandygyny habar berdi. Muny 3dnews.ru ýetirýär.
26,9 mln bolan mundan öňki rekord şu ýylyň aprel aýynda goýlupdy. Fewral aýynda Steam 26 mln onlaýn ýagdaýy bilen öwnüp bilýärdi. Geçen ýyl pandemiýa esasynda platforma bir wagtyň özünde ulanyjylaryň sany boýunça hususy rekordyny alty gezek täzeledi.
Steam-yň bu üstünligi 47 müň oýunlara, goşmaçalara we programmalara arzanladyş bilen güýzki satuwyň bolmagy bilen baglanyşyklydyr. Aksiýanyň çäginde Cyberpunk 2077 ilkinji gezek 50% arzanladyş aldy, taslamanyň özi bolsa ulanyjylaryň baha bermegi boýunça reýtingini 76%-e ýetirmegi başardy. Satuwda CD Project RED studiýasynyň ekşn žanryndaky rol oýnunda iň ýokary derejeli onlaýn 25 294 adam boldy.
28-nji noýabrda onlaýnyň iň ýokary derejesi boýunça liderler Counter Strike: Global Offensive (941 571), Dota 2 (680 734), PUBG: BATTLEGROUNDS (341 570), Apex Legends (234 487) we New World (159 939) boldy.
