Ýakynda dünýäde ilkinji elektrikli ýük gämisi suwa goýberildi. Bu barada TechXplore salgylanyp, vokrugsveta.ru habar berdi.
Elektrikli “Yara Birkeland” gämisi on dört kilometr aralygy geçip, ilkinji gezek günorta-gündogar Porsgrunn şäherindäki zawoddan Brewik portuna ýük eltdi. Konteýner daşaýjy gämi dolulygyna elektrik energiýasy bilen işleýän ilkinji ýük gämisi boldy.
Gäminiň uzynlygy 80 metr bolup, ol 3200 tonna çenli ýük alyp biler. Geljekde "Yara Birkeland" borty adamsyz özbaşdak hereket eder. Şeýle-de bolsa, ähli ulgamlar doly ýola goýulýança, ilkinji iki ýylda onda hökman ekipaž bolar.
Hünärmenleriň pikiriçe, elektrikli konteýner daşaýjy gämi dizel ýangyjynda işleýän ýük gämilerine, takmynan, her ýyl 40 müň gatnaw etmek zerurlygyny aradan aýyrar.
