Günorta Koreýada dünýäde ilkinji ýüzýän şäheriň prototipi gurlar

  • 24.11.2021 14:54
  • 12k+

Günorta Koreýanyň Pusan şäheriniň hökümeti, BMG-niň Habitat maksatnamasy we OCEANIX dünýäde ilkinji durnukly ýüzýän şäheriň prototipini gurmak barada şertnama baglaşdylar. Muny Birleşen Milletler Guramasynyň ilatly nokatlar boýunça maksatnamasynyň (UN-Habitat) we OCEANIX-iň beýanatyna salgylanyp, rossaprimavera.ru habar berdi.

BIG Oceanix atly ýüzýän şäher “Bjarke Ingels Group” halkara arhitektura firmasynyň çyzgysy esasynda gurlar. Ol ilkinji gezek 2019-njy ýylda Birleşen Milletler Guramasynyň Durnukly ýüzýän şäherler boýunça ýokary derejeli Tegelek stolunda hödürlenipdi.

Ýüzýän şäher deňiz bilen ýokary göterilýän we suw basmadan goragly, doly integrirlenen nol galyndyly ulgamlary arkaly öz iýmitini, energiýasyny we süýji suwuny öndürip bilýän infrastruktura hökmünde göz öňünde tutulýar. Durnukly ýüzýän şäher konsepsiýasy kenarýaka şäherlerde okeanyň derejesiniň ýokarlanmagyna jogap hökmünde işlenip düzüldi.

“Suw bilen söweşmegiň ýerine, geliň, onuň bilen sazlaşykly ýaşamagy öwreneliň. Ýüzýän şäher konsepsiýasy bilen tebigy çözgütleri taýýarlamaga sabyrsyzlyk bilen garaşýarys we Pusan - prototipi gurmak üçin iň amatly saýlawdyr" diýip, BMG-niň Habibat maksatnamasynyň ýerine ýetiriji direktory Maýmuna Mohd Şarif belleýär.


27.11.2025 10:26
1.1k+

Alymlar ilkinji gezek biologik materiallar bolmazdan emeli beýni dokumasyny döretdi

Riwersaýddaky Kaliforniýa uniwersitetiniň bioinženerleri beýni dokumasyna meňzeş doly emeli dokumanyň döredilendigini habar berdi. Alymlara ilkinji gezek şeýle materialy hakyky biologik maddalary ulanmazdan döretmek başartdy...

11.11.2025 15:19
3.7k+

Kembrijde CO₂-ni peýdaly çig mala öwürýän “emeli ýaprak” döretdiler

Kembrij uniwersitetiniň alymlary Gün şöhlesiniň täsiri astynda kömürturşy gazyny (CO₂) we suwy peýdaly himiki maddalara öwrüp bilýän ýarym sintetik “emeli ýapragy” döredendiklerini habar berdiler. Bu enjam tebigy fotosinteziň iş prinsipini gaýtalaýar we zäherli katalizatorlary ulanmaýar, şonuň bilen hem ekologiýa taýdan arassa hasaplanýar diýip, SciTechDaily ýazýar...

10.11.2025 13:10
5.3k+

Günorta koreýaly alymlar robotlar üçin çeýe we örän güýçli emeli myşsa döretdiler

Ulsandaky Milli Ylym we Tehnologiýa Institutynyň  (UNIST) alymlary robotlar üçin täze görnüşli emeli myşsa taýýarladylar. Bu material ynsan we haýwan myşsalaryndaky ýaly çeýeligi we berkligi özünde jemleýär. Hasaplamalara görä, eger adam şeýle myşsalara eýe bolsady, ol bir eli bilen pil saklap biljekdi...

28.10.2025 12:54
7.2k+

Şençhende geljegiň logistikasy ýola goýuldy: köçelerde eýýäm 10 müň sany robot-furgon hereket edýär

Şençhende köçelerde we hatda metroda hem 10 000 sany robotlaşdyrylan furgon gatnadylyp başlandy. Olar SF Express atly logistika kompaniýasy tarapyndan ýükleri adam gatnaşmazdan daşamak üçin ulanylýar. Bu furgonlary Neolix kompaniýasy öndürýär...