Günorta Koreýanyň BTS topary American Music Awards 2021 aýdym-saz baýragynyň “Artist of the Year” nominasiýasynda ýeňiji boldy. Bu barada Yonhap agentligi habar berdi diýip, TASS belleýär.
Şeýlelik bilen, BTS topary bu nominasiýada ýeňiji bolan ilkinji aziýaly ýerine ýetiriji boldy. “Ýylyň artisti” adyna dalaşgärleriň arasynda Ariana Grande, Dreýk, Oliwiýa Rodrigo, Teýlor Swift we The Weekend topary hem bardy.
Öň, BTS Billboard Hot 100 reýtinginde birinji orny eýelän ilkinji günorta koreýaly topar, şeýle-de “Duet ýa-da topar tarapyndan iň gowy wokal pop-çykyşy” nominasiýasynda Grammy baýragyna dalaş eden ilkinji K-pop (keý-pop) ýerine ýetirijisi bolupdy. Ýöne topar bu baýragy alyp bilmedi.
American Music Awards 1973-nji ýylda döredilen ýyllyk amerikan aýdym-saz baýragydyr.
