Katarda 2022-nji ýyldaky Dünýä çempionaty üçin ýedinji stadionyň gurluşygy tamamlandy

  • 22.11.2021 23:35
  • 6.1k+

Katarda 2022-nji ýyldaky Dünýä çempionatynyň oýunlary geçiriljek ýedinji stadionyň gurluşygy tamamlandy. Bu barada Dünýä çempionatyny geçirmek we miras almak boýunça ýokary komitetiň metbugat gullugyna salgylanyp, betassist.ru habar berdi.

Täze stadion "974" diýlip atlandyryldy. Munuň özi gurluşyk mahaly ulanylan ýük daşaýan konteýnerleriň sanyny, şeýle hem Kataryň halkara telefon koduny aňladýar diýip, çeşme belleýär.

Stadiona 40 000 tomaşaçynyň sygýandygy habar berilýär. Onda ýetip gelýän Dünýä çempionatynyň 7 oýny bolar. Mundan başga-da, stadiondaky ilkinji oýun ýakynda - 30-njy noýabrda geçiriler. Onda BAE-niň we Siriýanyň milli ýygyndy toparlary Arap ýurtlarynyň kubogynyň çäginde duşuşarlar.

Dünýä çempionaty 2022-nji ýylyň 21-nji noýabryndan 18-nji dekabry aralygynda bäş şäherde we sekiz stadionda geçiriler. Braziliýanyň, Argentinanyň, Daniýanyň, Germaniýanyň, Fransiýanyň, Belgiýanyň, Serbiýanyň, Ispaniýanyň, Horwatiýanyň, Şweýsariýanyň, Angliýanyň we Niderlandlaryň milli ýygyndy toparlary eýýäm Dünýä çempionatyna göni ýollanma aldylar.


düýn 21:35
3.2k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
3.1k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.8k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...