Lýuis Hemilton Kataryň Gran-prisinde ýeňiji boldy

  • 21.11.2021 22:36
  • 2.3k+

«Mersedesiň» britaniýaly sürüjisi Lýuis Hemilton “Formula-1” ulag klasyndaky awtoýaryşlar boýunça dünýä çempionatynyň 20-nji tapgyry bolan Kataryň Gran-prisinde ýeňiji boldy. Ikinji orny “Red Bull-da” çykyş edýän niderlandly Maks Werstappen eýeledi. Üçünji bolup pellehana “Alpin” toparynyň ispaniýaly sürüjisi Fernando Alonso geldi. 

Werstappen saýlama tapgyry wagtynda sary baýdaklara äsgermezlik edendigi üçin jerime aldy. Ikinji orny eýelän niderlandly sürüji ýaryşa ýedinji orundan başlady. 

Dünýä çempionatynyň umumy sanawynda Werstappen liderligini saklady (351,5 utuk). Ikinji orny Hemilton (343,5), üçünji orny “Mersedesiň” finlýandiýaly sürüjisi Waltteri Bottas (203) eýeledi. Konstruktorlaryň kubogynda birinji orny Mersedes (546,5 utuk) eýeleýär, ikinji orunda “Red Bull” (541,5), üçünji orunda “Ferrari” (297,5) ýerleşýär.

40 ýaşly Alonso 2014-nji ýyldan bäri ilkinji gezek podiuma çykdy. Ol iki gezek dünýä çempionydyr (2005, 2006). 2018-nji ýylyň möwsümi tamamlanandan soň, ol “Formula-1-de” karýerasyny togtatdy. Alonso çempionata 2021-nji ýylda gaýdyp geldi, onuň “Alpin” bilen şertnamasy iki möwsüme niýetlenýär.

Katar “Formula-1” tapgyryny ilkinji gezek kabul etdi, Gran-prini geçirmek baradaky şertnama sentýabr aýynda gol çekildi, ol on ýyl üçin niýetlenendir. Şeýle-de bolsa, häzirki ýaryş şertnamadan daşary geçirildi, ýagny Katar Awstraliýanyň Gran-prisi ýatyrylandan soň senenamada boşan orny eýeledi. Indiki ýyl hem Katarda tapgyr geçirilmez, sebäbi ýurt futbol boýunça dünýä çempionatyny kabul edýär. Gran-pri üýtgewsiz 2023-nji ýyldan geçirilip başlanar. 

 “Formula-1” dünýä çempionatynyň iň soňkudan öňki, 21-nji tapgyry 3 – 5-nji dekabrda Saud Arabystanynda geçiriler.


22.09.2025 12:40
2.7k+

Werstappen Azerbaýjanyň Gran-prisini utup, “Uly tuwulga” boýunça Hemilton bilen deňleşdi

21-nji sentýabrda Bakuwda Formula-1 çempionatynyň 17-nji tapgyry bolan Azerbaýjanyň Gran-prisi geçirildi. Ýeňiji dört gezek dünýä çempiony, niderlandly Maks Werstappen (“Red Bull”) boldy. Ikinji orny Jorj Rassell (“Mersedes”), üçünji orny Karlos Saýns (“Uilýams”) eýeledi...

08.09.2025 12:01
2.1k+

Werstappen Italiýanyň Gran-prisini utdy, Norris – ikinji, Piastri – üçünji

“Red Bull” toparynyň sürüjisi Maks Werstappen 7-nji sentýabrda Monsada geçirilen Italiýanyň Gran-prisinde ýeňiş gazandy. Niderlandly ýaryşa gatnaşyjy pouldan başlady, ýöne ilkinji aýlawlarda Lando Norrisden (“Maklaren”) yza galdy...

01.09.2025 12:19
2.5k+

Piastri Niderlandlaryň Gran-prisinde ýeňiji boldy, Werstappen – ikinji

“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy. Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy...

04.08.2025 13:27
3k+

“Maklaren” yzygider dördünji gezek ilkinji iki orny eýeläp, “Formula-1-iň” rekordyna golaýlady

“Maklaren” toparynyň ýaryşa gatnaşyjylary yzygider dördünji gezek “Formula-1-iň” münberinde ilkinji iki orny eýeledi. Ýekşenbe güni geçen Wengriýanyň Gran-prisinde birinji bolup pellehana Lando Norris, ikinji bolup onuň topardaşy Oskar Piastri geldi...