Sulşer «Mançester Ýunaýtediň» baş tälimçisi wezipesinden boşadyldy

  • 21.11.2021 22:05
  • 7.2k+

Norwegiýaly hünärmen Ule-Gunnar Sulşer «Mançester Ýunaýted» iňlis futbol klubynyň baş tälimçisi wezipesinden aýryldy. Klub Sulşeriň wezipesinden boşadylandygy ýa-da öz islegi boýunça gidendigi barada takyklamaýar.
Wezipeden boşadylmaklyk «ikitaraplaýyn ylalaşyk esasynda» diýlip bellenildi. The Times neşiriniň maglumatlaryna görä, Ule-Gunnar 7,5 mln funt sterling möçberde öwez tölegini alar.

«Klub möwsümiň ahyryna çenli baş tälimçiniň wezipesini wagtlaýyn ýerine ýetirjek hünärmeni belleýänçä, ýakyndaky oýunlarda kluba Maýkl Karrik ýolbaşçylyk eder» — diýlip, klubyň saýtynda bellenilýär.

Sulşer 48 ýaşynda, ol «Mançester Ýunaýtede» 2018-nji ýylyň dekabrynda bellenildi. Şu ýylyň iýulynda tälimçi klub bilen 2024-nji ýyla çenli täze şertnama baglaşdy.
«Mançester Ýunaýted» Angliýanyň çempionatynda 17 utuk bilen ýedinji ýerde barýar. Birinji ýerde barýan «Çelsiden» 12 utuk yzda. 20-nji noýabrda klub «Uotforddan» 1:4 hasabynda ýeňildi.


25.06.2025 16:41
14k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...

25.06.2025 12:04
5.6k+

«Lion» futbol klubuny maliýe hasabatlylygyny bozandygy üçin 2-nji Liga düşürdiler

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär...

21.06.2025 12:22
7.9k+

“Liwerpul” “Baýerden” Florian Wirsi satyn aldy: APL üçin rekord transfer

20-nji iýunda “Liwerpul” Germaniýanyň milli ýygyndysynyň ýarymgoragçysy Florian Wirsi Lewerkuzeniň “Baýerinden” satyn aldy. Transfermarkt portalynyň maglumatlaryna görä, transfer iňlis klubuna 125 mln ýewro düşdi, bu hem Premýer-liganyň taryhynda satyn alnan iň gymmat futbolçy boldy...

21.06.2025 12:08
9.5k+

APL “Mançester Sitä” yzygiderli gijä galmalary üçin uly möçberde jerime saldy

Angliýanyň Premýer-ligasy ýaryşyň oýunlary başlamak we dikeltmek bilen bagly düzgünlerini yzygiderli bozandygy üçin “Mançester Siti” klubuna jerime salynýandygyny habar berdi. APL-iň resmi saýtyndaky beýana görä, geçen möwsümde Hosep Gwardiolanyň topary meýdança dokuz gezek gijä galyp çykdy...