TASS dünýäde ilkinji bolup kosmosda hemişelik wekilligini açýar

  • 21.11.2021 08:34
  • 3.6k+

TASS agentligi dünýäniň köpçülikleýin habar beriş serişdelerinden ilkinji bolup Halkara kosmos stansiýasynda (HKS) hemişelik wekilligini açýar. Agentligiň we Roskosmosyň bilelikdäki taslamasynyň durmuşa geçirilmegini göz öňünde tutýan hyzmatdaşlyk ähtnamasyna 17-nji noýabrda TASS-yň baş müdiri Sergeý Mihaýlow we Döwlet korporasiýasynyň ýolbaşçysy Dmitriý Rogozin gol çekdi. Bu barada e-cis.info habar berýär. 

TASS-yň orbitada ilkinji habarçysy Russiýanyň Gahrymany, Roskosmosyň kosmonawty Aleksandr Misurkin bolar. Ol stansiýadaky durmuş we iş hakynda gürrüň berer, onuň habarlaryny agentligiň informasion çeşmelerinde okap, suratlary we wideolary saýtda we sosial ulgamlardaky resmi sahypalarda görmek bolar.

“Roskosmosyň we TASS-yň ýörite bilim taslamasy Russiýanyň kosmosda alyp barýan işlerini düşündirmäge gönükdirilendir. Agentligiň okyjylary kosmonawtlaryň orbitadaky işleri, ylmy tejribeler, kosmos uçuşynyň aýratynlygy barada has köp maglumat alyp bilerler. Bu barada işe gönüden-göni gatnaşyjylar – Roskosmosyň kosmonawtlary gürrüň bererler” – diýip, Döwlet korporasiýasynyň ýolbaşçysy Dmitriý Rogozin belleýär. 

Misurkin kosmosa 8-nji dekabrda ýaponiýaly milliarder Ýusaku Maezawa we onuň biznes kömekçisi Ýozo Hirano bilen bilelikde “Soýuz MS-20” gämisinde uçar. Häzir ol karantinde.

Belläp geçsek, häzirki wagtda TASS-yň dowamly işini tas 2 müň işgär üpjün edýär. Agentlik her gün Russiýadaky we daşary ýurtlardaky habarçylaryndan 2 müň töweregi habar we 600-800 töweregi surat hem-de wideosýužetleri çykaryp, wakalaryň bitewi we obýektiw kartinasyny emele getirýär.


18.09.2025 14:01
2

Elektrik energiýasynyň jan başyna sarp edilişi boýunça ýurtlaryň reýtingi düzüldi

ýurtlaryň ösmegi bilen ilatyň jan başyna elektrik energiýasyny sarp edişi ýokarlanýar, bu görkeziji esasanam, senagat we şäher ýerlerinde artýar. Ember’s Electricity Data Explorer-e esaslanan bu görnüş dünýäniň iň uly ykdysadyýetlerinde energiýa sarp edilişiniň nähili paýlanýandygyny we soňky onýyllykda nähili üýtgändigini görkezýär...

18.08.2025 10:13
3.1k+

Moskwada «Parahatçylyk sazy, dostluk, doganlyk sazy» atly dabaraly türkmen-rus konserti geçirildi

15-nji awgustda Moskwada Uly Nikitskaýa köçesiniň ugrunda ýerleşýän P.I.Çaýkowskiý adyndaky Moskwa döwlet konserwatoriýasynyň Rahmaninow zalynda «Parahatçylyk sazy, dostluk, doganlyk sazy» atly dabaraly türkmen-rus konserti geçirildi...

28.07.2025 18:51
11k+

Moskwada 85-nji gaty seýilgähli ýaşaýyş diňi gurlar

“Moskwa-Sitide” One Tower ady bilen ýaşaýyş diňini gurmak meýilleşdirilýär. Ozal bu işewürlik merkeziniň binalarynda öýler däl-de, diňe wagtlaýyn galmak üçin otaglar ýerleşýärdi. Binanyň beýikligi 379 metr bolar...

18.07.2025 10:37
4.1k+

Başgyrdystandaky Şulgan-Taş gowagy ÝUNESKO-nyň Bütindünýä mirasynyň sanawyna girizildi

Başgyrdystandaky Şulgan-Taş gowagy (Kapowa gowagy hem diýilýär) ÝUNESKO-nyň Bütindünýä mirasynyň sanawyna girizildi. Bu karar Parižde geçirilen Bütindünýä mirasy komitetiniň 47-nji mejlisinde kabul edildi. Gowak ýene-de 25 sany beýleki medeni ýadygärlikler bilen bilelikde sanawyň üstüni ýetirdi...