Energetiki içgileriň saglyga ýetirýän zyýany ýüze çykaryldy

  • 21.11.2021 15:01
  • 18k+

Rus newrolog lukmanlary Pawel Horoşýow we Roman Lýukmanow energetiki içgileriň saglyk üçin howpy barada gürrüň berdiler. Bu barada pcnews.ru habar berdi.

Olaryň bellemeklerine görä, energetiki içgileriň iň zyýanly täsiri bedeni tapdan düşürmek ukyby bolup durýar.

“Biz energetiki içgileri içmek bilen metabolizmi güýçlendirýäris, munuň netijesinde öýjükleriň gory azalýar we kadaly işleýşi bozulýar. Gipofiziň işinde näsazlyk ýüze çykýar. Eger-de energetiki içgiler dowamly ulanylýan bolsa, onda geljekde ähli gormonal ulgamlaryň işini dikeltmek kyn bolar"-diýip, Horoşýow belleýär.

Mundan başga-da, aşa köp energetiki içgileri içmek tahikardiýa - ýürek urşunyň minutda 90 urgudan ýokarlanma howpuny döredip biler. Eger-de uzak wagtlap puls kadalaşmasa, onda lukmana ýüz tutmaly bolar.
Lýukmanow energetiki içgileriň beden öz serişdeleriniň ýetmezçiligini duýanda ulanylýandygyna ünsi çekdi. Bu uky ýetmezçiligi ýa-da durmuş işjeňligi bilen bagly ýüze çykýar.

"Düzgün bolşy ýaly, ilki nerw ulgamy ejir çekýär, dürli näsazlyklar ýüze çykýar, immunitet peselýär, kesellegiçlik derejesi ýokarlanýar, ondan soňra bolsa hemme zat adamyň ýaşyna we ozalky başdan geçiren kesellerine bagly bolýar" diýip, lukman duýdurýar.


22.08.2025 15:19
4.9k+

Dişleriň sagdyn bolmagy üçin: Russiýada düzüminde probiotikler bolan sakgyç döredildi

Seçenow uniwersitetiniň hünärmenleri probiotiklerden we prebiotiklerden düzülen çeýnelýän sakgyç döretdiler. Uniwersitetiň metbugat gullugynyň habaryna görä, täze önüme «Reteriks» diýlip at berildi. Onuň maksady – kariýesiň, gingiwitiň we beýleki stomatologik keselleriň töwekgelçiligini azaltmakdyr...

22.08.2025 08:21
4.5k+

Russiýaly alymlar pnewmoniýany we meningiti oýaryjyny dargadýan wirusy tapdylar

Sibir Ylymlar akademiýasynyň (SO RAN) Himiýa-biologiýa we fundamental lukmançylyk institutynyň hünärmenleri pnewmoniýa, meningit, sepsis döredýän we köplenç hassahanalarda giňden duş gelýän howply bakteriýany ýok edip bilýän täze wirus-bakteriofagy açdylar diýip, «Nauka v Sibiri» neşiri habar berýär...

18.08.2025 10:02
2.1k+

ABŞ-da düzgünleşdiriji dowamly öýken keselini bejermek üçin ilkinji derman serişdesini tassyklady

ABŞ-nyň Azyk önümleriniň hiline we derman serişdelerine gözegilik müdirligi (FDA) Insmed kompaniýasynyň mukowissidozsyz bronhoektazlary bejermek üçin niýetlenen Brinsupri dermanyny tassyklady. Bu dowamly öýken keseli dem alyş ýollarynyň öwezini dolup bolmajak zeperlenmesi, dowamly üsgülewük we nemiň  artykmaç bölünip çykmagy bilen utgaşýar diýip, Reuters ýazýar...

18.08.2025 08:54
6.9k+

Oguljahan Atabaýewa “Arkadag Medisina Klasteri” toplumynyň gurluşygynyň barşy bilen tanyşdy

16-njy awgustda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa Arkadag şäherine baryp gördi...