Bahreýn COVID-19-a garşy Evusheld dermanyny tassyklan ilkinji ýurt boldy

  • 16.11.2021 00:34
  • 4.8k+

Bahreýn hökümeti AstraZeneca britan-şwed kompaniýasynyň COVID-19-a garşy öndüren Evusheld (AZD7442 ady bilen belli bolan) dermanynyň ýurtda gyssagly ulanylmagyny makullady. Bu barada Bahreýniň habarlar agentligi (BNA) habar berýär diýip, TASS belleýär.

Bellenilişi ýaly, degişli karar AstraZeneca tarapyndan berlen ähli zerur maglumatlara baha berlenden soň, Saglygy goraýyş ulgamynda kadalaşdyryjy milli agentlik tarapyndan kabul edildi. BNA Bahreýniň bu dermanyň COVID-19 keseline garşy ulanylmagyny tassyklan ilkinji ýurtdygyny belleýär.

“Antibedenjiklerden kokteýl” diýlip hem atlandyrylýan Evusheld 18 ýaşdan ulular, esasanam, immuniteti gowşak bolan adamlar, şeýle-de kärleri keseliň ýokuşma töwekgelçiligi bilen baglanyşykly bolan patyşalygyň raýatlary we wekilleri üçin elýeterli bolar. 

Derman iki monoklonal antibedenjikleriň – tiksagewimab bilen silgawimabyň garyndysyndan taýýarlanandyr. Onuň synag ulanylyşy keseliň ýeňil alamatlary bolan hassalarda, şeýle-de koronawirus keseliniň agyr ýagdaýy bolan hassalarda hem ýokary netijeliligi görkezdi diýip, BNA belleýär.

11-nji oktýabrda AstraZeneca “antibedenjiklerden kokteýliň” SARS-CoV-2 koronawirusy bilen kesellemegiň netijesinde keseliň agyr görnüşiniň güýçlenmeginiň öňüni almak maksadyna ýetendigini habar berdi. 


23.05.2025 12:05
1.9k+

BSGG üç ýyl çekeleşmeden soň pandemiýalar bilen göreş şertnamasyny kabul etdi

Ženewada geçirilen Bütindünýä saglygy goraýyş assambleýasynyň 78-nji sessiýasynda BSGG-niň pandemiýalar bilen göreşmek boýunça şertnamasy kabul edildi. Bu resminama babatynda maslahatlar COVID-19 pandemiýasynyň güýjän döwründe başlap, üç ýyl dowam etdi...

20.03.2025 12:22
4.6k+

COVID-19-a garşy derman howply Ebola gyzdyrmasy bilen göreşde netijeliligi görkezdi

Amerikaly alymlar Ebola gyzdyrmasyny bejermegiň täze usulyny ilkinji gezek üstünlikli synagdan geçirdi. Science Advances (SciAdv) žurnalynyň maglumatlaryna görä, Tehas uniwersitetiniň ylmy gözlegçilerine kesel...

13.03.2025 06:25
5.2k+

Britaniýaly hirurglar kowidden soňky kesel alamatly näsaglaryň ys alyş we tagam biliş duýgularyny dikeltdiler

Londonyň Uniwersitet kollejiniň hassahanalarynyň (UCLH) hirurglary kowidden galan sindromly näsaglaryň ys alyş we tagam biliş duýgularyny dikeltmegiň usulyny tapdylar. Synag Facial Plactic Surgery žurnalynda çap...

10.05.2024 13:28
4.8k+

AstraZeneca “islegiň pesligi” sebäpli COVID-19-a garşy sanjymyny satuwdan aýyrýar

Britan-şwed farmasewtik kompaniýasy AstraZeneca COVID-19-a garşy Vaxzevria sanjymyny tutuş dünýä boýunça yzyna gaýtarýandygyny mälim etdi. Kompaniýa bu çözgüdi resmi taýdan islegiň ýoklugy bilen düşündirdi diýip...