“Liwerpul” ýeňilmezlik seriýasy boýunça klubuň rekordyny täzeledi" diýip, "Gracenote Live" Twitterde ýazýar. Bu barada championat.com habar berýär.
Çeşmä görä, "Liwerpulyň" ýeňilmezlik tapgyry ähli ýaryşlarda 25 oýun (17 ýeňiş we 8 deňlik) bolup, bu - klubuň 1982-nji ýyldaky rekordy bilen deňdir. Şonda topar 20 ýeňiş gazanypdy we 5 gezek deňme-deň oýnapdy.
Çempionlar ligasynyň toparçalaýyn tapgyrynyň dördünji aýlawynyň oýnunda “Liwerpul” “Atletikony” 2:0 hasabynda ýeňdi. Häzir ol 12 utuk toplap, “B” toparçadaky 1-nji ýerden Çempionlar ligasynyň 1/8 finalyna möhletinden öň çykmagy başardy. “Atletiko” 4 utuk bilen 3-nji ýerde barýar. Toparlaryň "B" toparçadaky garşydaşlary "Portu" (5) we "Milan" (1) bolup durýar.
“Liwerpul” 22 utuk bilen Angliýanyň Premýer-ligasynda ikinji orunda - öňdebaryjy “Çelsiden” 3 utuk yzda barýar.
