Bitkoindan soň kapitallaşdyrmasy boýunça ikinji orunda durýan kriptowalýuta bolan efiriň (Ether) bahasy rekordy täzeläp, 4500 dollardan geçdi diýip, interfax.ru habar berýär.
CoinDesk-iň maglumatlaryna görä, sişenbe güni aşgabat wagty bilen 21:30-da bir günde 4,4% gymmatlap, 4500,71 dollara ýetdi. Ondan öň, söwdanyň barşynda onuň bahasy 4521,19 dollara ýetipdi.
Kriptopuluň bahasynyň ýokarlanmagy gysgamöhletleýin maýadarlaryň gelmegi bilen şertlenendir. Efire 30 günden az möhletde eýelik edýän treýderleriň sany ýylyň dowamynda iň ýokary derejesine ýetdi diýip, MarketWatch habar berýär.
Soňky üç aýda bu kriptopul 81% gymmatlady, ýylyň başyndan bäri 6 esseden gowrak gymmatlady.
Şol bir wagtda, bitkoiniň bahasy bu döwürde, degişlilikde, 67% we 2,1 esse ýokarlandy. Sişenbe güni söwdanyň barşynda bitkoin 5,1% gymmatlap 63,731 dollara ýetdi.
