Penşenbe güni Meta diýlip atlandyrylan Facebook kompaniýasy şu ýylyň ýazynda önümlerini alty ýaşdan uly çagalary özüne çeker ýaly derejede kämilleşdirmegi meýilleşdiripdi. Bu barada NBC teleýaýlymy habar berdi diýip, Day.Az belleýär.
Teleýaýlymyň belleýşi ýaly, adatça kompaniýanyň önümleri 13 ýaşdan uly ýaş toparlaryna gönükdirilýär. Ýöne kompaniýanyň programmalarynyň ýaşlaryň arasynda meşhurlygynyň ýitmegi onuň menejmentini köp ýyllaryň dowamynda Facebook önümlerini ulanmagy dowam etdirmekleri üçin ulanyjylary ýaşlykdan özüňe çekmelidigi barada pikirlenmäge mejbur etdi. Netijede, şu ýylyň aprel aýynda taýýarlanylan içerki ýazgy alty-dokuz we on-on iki ýaşa çenli ýaş toparlary üçin mazmun döretmek we ösdürmek bilen meşgullanjak hünärmenleri işe almagy teklip etdi.
Telekompaniýa häzirki wagtda bu meýilnamalaryň näderejede durmuşa geçirilendigini anyklamagyň mümkin däldigini belleýär. Facebook-yň boş orunlar baradaky bildirişleriniň arasynda häzirki wagtda degişli wezipeler ýok.
Ýatlap geçsek, penşenbe güni Facebook-yň esaslandyryjysy Mark Sukerberg kompaniýanyň adynyň üýtgedilýändigini, indi onuň “Meta” diýlip atlandyrylýandygyny habar berdi. Çünki, kompaniýa indi diňe bir programmalaryň däl, eýsem üsti ýetirilen hakykat gurluşlarynyň tutuş toplumyny birleşdirjek hususy “metaäleminiň” ösüşine bil baglaýar. Sukerbergiň pikiriçe, bu esasy aýratynlygy “barlyk duýgusy” boljak internetiň ösüşinde täze tapgyry aňladar.
