Katalon klubunyň resmi web sahypasyna görä, Serhi Barhuan "Barselonanyň" wagtlaýyn baş tälimçisi wezipesine bellendi. Bu barada championat.com habar berdi.
"Barselonanyň" prezidenti Žoan Laporta topara täze tälimçi Barhuany tanyşdyrdy. Klubuň metbugat gullugy onuň baş tälimçi wezipesine wagtlaýyn bellenýändigini nygtaýar.
Habar beriş serişdeleriniň ýazmagyna görä, klub wagtlaýyn tälimçini doly hukukly tälimçi boljak Hawi "Al-Sadd" bilen şertnamasyny ýatyrýança wagt utmak üçin belledi.
"Barselonanyň" öňki baş tälimçisi Ronald Kuman Ispaniýanyň çempionatynyň 11-nji tapgyrynda "Raýo Walýekanodan" (0:1) ýeňilenden soň wezipesinden boşadyldy. Ol topara 2020-nji ýylyň awgust aýynda gelipdi. 2020/2021 möwsüminde "Barselona" onuň ýolbaşçylygynda Ispaniýanyň kubogyny aldy we milli çempionatda 3-nji ýeri eýeledi.
