HBS: Dewid Bekham DÇ-2022-niň ýüzi bolup, ýylda 18 mln ýewro gazanar

  • 26.10.2021 17:30
  • 6.8k+

Angliýanyň milli ýygyndysynyň öňki futbolçysy Dewid Bekham 2022-nji ýylda Katarda geçiriljek Dünýä çempionatynyň ýüzi bolar. Bu barada ýekşenbe güni championat.com habar berdi.

Çeşmäniň habaryna görä, bu hyzmatdaşlyk hakynda geljek aý yglan ediler. Bekham ýylda 15 million funt sterling (18 million ýewro) girdeji getirjek şertnama razy boldy. Taraplaryň arasyndaky şertnama 10 ýyl üçin göz öňünde tutuldy we şol döwür içinde Bekham Kataryň ilçisi bolar. Şertnama gol çekmezden ozal Bekham janköýerleriň Katarda howpsuz boljakdygy babatda arkaýyn edildi.

“Dewid Kataryň öňegidişlige ygrarlydygyna we Dünýä çempionatynyň ýurda möhüm oňyn özgerişlikleri getirip biljekdigine ynanýar. Ol futbolyň düşünişmezlikleri ýeňip geçmekdäki güýjüne berk ynanýar" diýip, The Sun Bekhamyň sözlerini getirýär.

Katardaky Dünýä çempionaty 2022-nji ýylyň 21-nji noýabryndan 18-nji dekabry aralygynda geçiriler.


şu gün 00:59
911

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...