«Liwerpul» «ManÝunaýtedi» 5:0 ýeňip, 1925-nji ýylyň netijesini gaýtalady

  • 25.10.2021 13:20
  • 11k+

«Liwerpul» Angliýanyň Premýer ligasynyň 9-njy tapgyrynda myhmançylykda «Mançester Ýunaýtedi» uly hasap bilen ýeňmegi başardy. «Old Traffordda» geçirilen duşuşyk mersisaýdlylaryň peýdasyna 5:0 hasabynda tamamlandy.

«Liwerpulyň» düzüminde Nabi Keýta, Diogu Žota we Mohammed Salah (het-trik) tapawutlandy. Müsürli futbolçy «Old Traffordda» «ManÝunaýtediň» derwezesine üç pökgi girizmegi başaran APL-nyň ilkinji futbolçysy boldy.
Mundan başga-da, Salah Didýe Drogbadan öňe geçip, Angliýanyň çempionatlarynyň taryhynda iň netijeli afrikaly oýunçy bolmagy başardy. Onuň hasabynda 106 gol bar.
61-nji minutda, oýna gireninden 12 minut soň ýer eýeleriniň ýarymgoragçysy Pol Pogba gyzyl duýduryş aldy.
Bu ýeňliş «Liwerpul» bilen duşuşyklaryň taryhynda «Mançester Ýunaýted» üçin iň uly şowsuz netijedir. Bu netije 1925-nji ýylda hem bolupdy.
Bu ýeňişden soň Ýurgen Kloppuň şägirtleri 21 utuk toplap, Angliýanyň çempionatynyň jedwelinde 2-nji orna geçdiler. Birinji orny eýeleýän «Çelside» 1 utuk köp.
«Mançester Ýunaýted» 14 utuk bilen 7-nji orunda ýerleşýär. 
Indiki tapgyrda «MÝ» myhmançylykda «Tottenhem», «Liwerpul» bolsa öz meýdançasynda «Braýton» bilen duşuşar. Iki duşuşyk hem 30-njy oktýabrda geçiriler.


şu gün 00:59
911

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...