UEFA Ýewro-2028-i geçirmek üçin arzalary kabul edip başlady

  • 15.10.2021 08:31
  • 4.7k+

UEFA-nyň resmi saýtynda 2028-nji ýyldaky Ýewropa çempionatyny geçirmek üçin arzalaryň kabul edilip başlanandygy barada maglumat peýda boldy. Kontinental futbol forumyny geçirmek isleýän ýurtlar 2022-nji ýylyň mart aýyna çenli arzalary tabşyrmaly. Bu barada euro-football.ru habar berýär.

UEFA eger ýurtlar geografiýa taýdan ýakyn ýerleşýän bolsa, arzalaryň bilelikde hem bolup biljekdigini belleýär. Şol bir wagtyň özünde, Ýewro-2028 üçin awtomatiki kwalifikasiýa ýaryşy geçirjek ýurtlardan iki milli ýygynda kepillendirilýär.

Her bir arza stadionyň talaplaryna laýyk gelmeli. Ýagny, Ýewropa çempionatyny geçirmek üçin dalaşgär ýurtda 10 stadion bolmaly, olaryň azyndan biri 60 müň, ýene azyndan biri, ýöne has gowusy ikisi 50 müň, azyndan dördüsi 40 müň, azyndan üçüsi 30 müň tomaşaçyny sygdyryp bilmeli.

5-nji aprelde UEFA ýaryşy geçirmek üçin dalaşgärleri atlandyrar. Ýewro-2028-i kimiň kabul etjekdigi 2023-nji ýylyň sentýabrynda kesgitlener.

Ýatlap geçsek, indiki Ýewropa çempionaty 2024-nji ýylda Germaniýada geçiriler.


şu gün 00:59
967

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...