Dünýäniň iň gowy futbolçysy üçin “Altyn topa” 30 dalaşgäriň sanawy belli edildi

  • 10.10.2021 14:13
  • 13k+

“France Football” fransuz neşiri ýylyň iň gowy oýunçysyna berilýän “Altyn topa” dalaşgärleriň sanawyny hödürledi. 2021-nji ýylda bu baýraga 30 futbolçy dalaş edýär diýip, championat.com habar berýär. Sanawyň doly görnüşi şeýle:

Nikolo Barella (“Inter”), Karim Benzema (“Real”), Leonardo Bonuççi (“Ýuwentus”), Kewin de Brýoýne (“Mançester Siti”), Jorjo Kýellini (“Ýuwentus”), Kriştianu Ronaldu (“Mançester Ýunaýted”), Ruben Diaş (“Mançester Siti”), Janluiji Donnarumma (“PSŽ”), Brunu Fernandeş (“Mançester Ýunaýted”), Fil Foden (“Mançester Siti”), Erling Holand (Dortmundyň “Borussiýasy”), Žoržinýo (“Çelsi”), Garri Keýn (“Tottenhem Hotspur”), N’Golo Kante (“Çelsi”), Simon Kýer (“Milan”), Sesar Aspilikueta (“Çelsi”), Robert Lewandowski (“Bawariýa”), Romelu Lukaku (“Çelsi”), Riýad Marez (“Mançester Siti”), Lautaro Martines (“Inter”), Kilian Mbappe (“PSŽ”), Lionel Messi (“PSŽ”), Luka Modriç (“Real”), Žerar Moreno (“Wilýarreal”), Meýson Maunt (“Çelsi”), Neýmar (“PSŽ”), Pedri (“Barselona”), Mohamed Salah (“Liwerpul”), Rahim Sterling (“Mançester Siti”), Luis Suares (“Atletiko”).

Baýrak gowşurylyş dabarasy 29-njy noýabrda Parižde geçiriler. Geçen ýyl koronawirus pandemiýasy sebäpli “Altyn top” berilmedi. 

“Altyn top” 1956-njy ýylda “France Football” tarapyndan esaslandyryldy. Häzirki wagtda baýrak sany boýunça rekord eýesi argentinaly Lionel Messi bolup, onuň hasabynda alty sany “Altyn top” bar. Portugaliýaly oýunçy Kriştianu Ronalduda şeýle baýrakdan 5-si bar. 


şu gün 00:59
967

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...