Ýewropada we ABŞ-da elektrokarlar üçin iň çalt zarýad beriji peýda bolar

  • 03.10.2021 10:14
  • 6.6k+

Şweýsariýanyň ABB tehnoägirdi elektromobiller üçin dünýädäki iň çalt zarýad beriji stansiýany döretdi. Ýewropanyň we ABŞ-nyň ýollarynda Terra 360 modul gurluşlary 2021-nji ýylyň ahyrynda peýda bolar diýip, Euronews ýazýar. Muny lenta.ru ýetirýär.

ABB täze zarýad berijiniň islendik elektrokara 15 minutda doly zarýad berip bilýändigini, üç minutda bolsa 100 kilometri geçmek üçin ýeterlik energiýa bilen üpjün edýändigini belleýär. Şeýle-de, elektromobile zarýad bermek isleýänlere nobata durmagyň zerurlygy ýok, sebäbi bir stansiýadan birbada dört awtomobil zarýadlanyp bilýär. Elektrokarlaryň dürli görnüşlerinden başga-da, Terra 360 elektrik inwalid oturgyçlaryna hem laýyk gelýär we aňsat birikdirmek üçin ergonomiki kabeller bilen üpjün edilendir. Ýewropada we ABŞ-da çalt zarýad beriji stansiýalary 2021-nji ýylyň ahyrynda, Latyn Amerikasynda we Aziýa-Ýuwaş umman sebitinde bolsa 2022-nji ýylda işe girizmek meýilleşdirilýär.

Awtomobiller dünýädäki kömürturşy gazy zyňyndylarynyň, takmynan, 20 göterimini öndürýärler, şonuň üçin köp ýurtlar uglerod yzyny azaltmak üçin elektromobil infrastrukturasynyň ösdürilmegini höweslendirýärler. 

Belläp geçsek, ABB kompaniýasy 2010-njy ýylda elektromobilleriň bazaryna çykany bäri dünýäniň 88 ýurdunda 460 müňden gowrak zarýad beriji gurluşlary satdy. 


27.10.2025 09:24
3.3k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...

26.10.2025 09:37
5.1k+

Tesla-nyň düşewündi rekord girdejä garamazdan 37% azaldy

Tesla 2025-nji ýylyň üçünji çärýegi üçin maliýe hasabatyny hödürledi. Kompaniýanyň arassa girdejisi 37% azalyp, 1,4 mlrd dollar boldy, ýöne girdeji bir ýyl ozalkydan 12% ýokarlanyp, 28 mlrd dollara ýetdi. Öndüriji rekord satuw barada hem habar berdi...

25.10.2025 11:28
4k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...

23.10.2025 10:07
1.5k+

Xiaomi Nýurburgring ýolunda täze YU7 GT elektrokrossoweriniň soňky synagyny geçirýär

Xiaomi kompaniýasy meşhur Nýurburgring ýolunda täze YU7 GT elektrik krossoweriniň soňky synaglaryny geçirýär. Ulagyň prototipi doly taýýar kuzowda görkezildi — bu bolsa köpçülikleýin önümçiligiň ýakyn wagtda başlanjakdygyny görkezýär...