«Bawariýanyň» hüjümçisi Robert Lewandowski Çempionlar ligasyndaky ýeňişleriniň sany boýunça rekord eýesi boldy. Lewandowskiniň hasabynda turnirde yzygider 18 ýeňşi bar.
Mýunhenliler Çempionlar ligasynyň toparlaýyn tapgyrynyň ikinji tapgyr oýnunda Kiýewiň “Dinamosyny” 5:0 hasabynda utdular. Lewandowski bu oýunda iki gol girizdi diýip, sovsport.ru habar berýär.
“Bawariýa” alty utuk gazanyp, E toparçanyň turnir sanawynda birinji orny eýeleýär. Ikinji orunda “Benfika” (4 utuk) ýerleşýär. Kiýewliler bolsa üçünji orny (1) eýeleýär. Bu toparçany hasabynda iki ýeňliş we nol utuk bolan “Barsa” jemleýär.
Belläp geçsek, polşaly hüjümçiniň hasabynda köne dünýäniň (Afroýewraziýa) esasy klub ýaryşynda 75 goly bar. Reýtingde ondan ýokarda diňe Lionel Messi (121) bilen Kriştianu Ronaldu (135) ýerleşýär.
