UEFA bilen CONMEBOL Ýewropa we Amerikanyň Kubogynyň ýeňijileriniň arasynda oýun gurar

  • 30.09.2021 14:59
  • 5.8k+

Ýewropanyň Futbol Assosiasiýalarynyň Birleşigi (UEFA) bilen Günorta Amerikanyň futbol konfederasiýasy (CONMEBOL) 2022-nji ýylyň iýun aýynda Ýewropa çempionatynyň häzirki ýeňijisi italiýalylar bilen Amerikanyň Kubogynyň eýesi argentinalylaryň arasynda oýun geçirmek barada ylalaşdy. Bu barada UEFA-nyň metbugat gullugy habar berýär diýip, TASS belleýär.

Duşuşygyň geçiriljek ýeri soň belli bolar. Habar berlişi ýaly, oýnuň guralmagy UEFA bilen CONMEBOL-yň arasyndaky hyzmatdaşlygyň bir bölegi bolup durýar.

Iki gurama tarapyndan baglaşylan şertnama Ýewropa çempionatynyň we Amerikanyň Kubogynyň indiki iki ýeňijisiniň arasynda hem oýnuň geçirilmegini we Londonda umumy gyzyklanma bildirilýän taslamalaryň utgaşdyrylmagyna jogap berjek bilelikdäki ofisiň açylmagyny göz öňünde tutýar.

2021-nji ýylda Italiýanyň milli ýygyndysy finalda Angliýanyň toparyny utup (1:1, penalti boýunça 3:2), Ýewropa çempiony boldy. Argentinanyň milli ýygyndysy Amerikanyň Kubogynyň finalynda 1:0 hasabynda braziliýalylary utdy.

2024-nji ýylyň Ýewropa çempionaty 14-nji iýundan 14-nji iýul aralygynda Germaniýada geçiriler. 2024-nji ýylda Amerikanyň Kubogy iýun-iýul aýlarynda Ekwadorda geçiriler.


şu gün 00:59
911

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
1.3k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...

düýn 13:20
4.8k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

düýn 12:35
4.4k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...