Beýleki iri awtoulag öndürijileriniň köpüsi ýaly, Honda hem geljekde öz modellerini bütinleý elektrikli görnüşe geçirmegi meýilleşdirýär. Bu barada tarantas.news habar berýär.
Ýapon markasy indi çykjak Prologue modelinden başlap, elektrikli ulaglar boýunça ýyllyk satuw maksatlaryny ep-esli artdyrmak isleýär. Kompaniýa 2024-nji ýyla çenli 70,000 Prologue elektrikli ulagyny satmagy we mundan beýläk 2030-njy ýyla çenli ABŞ-da 500,000 elektrikli ulagy satmagy meýilleşdirýär. 2040-njy ýyla çenli bolsa Honda markasy 100 göterim elektrikli awtoulag satuwyny gazanmagy maksat edinýär diýip, speedme.ru ýazýar.
Honda-nyň bu belent maksatlara “General Motors” bilen hyzmatdaşlykda ýetmek isleýändigi we “Prologue”-ny çykarmak üçin onuň Ultium şassisini (“Cadillac Lyriq” bilen bilelikde) we batareýa ulgamyny ulanmagy meýilleşdirýändigi bellendi. Şol bir wagtyň özünde bu iki kompaniýa bilelikde Acura-nyň elektrikli krossoweriniň üstünde işleýärler.
