HHR-iň 2021-nji ýylyň reýtingi boýunça iň uly 500 kompaniýasynyň girdejisi 13,9 trln dollara ýetdi

  • 28.09.2021 07:21
  • 3.8k+

Hytaýyň kärhanalar konfederasiýasy şu ýyl üçin ýurduň iň uly 500 kärhanasynyň sanawyny neşir etdi. Guramanyň beýanyna laýyklykda, olaryň esasy işden gelýän girdejileri jemi 89,83 trln ýuan ($13,9 trln) boldy, bu bolsa geçen ýylyň degişli görkezijisinden 4,43% ýokarydyr. 

Kompaniýalaryň reýtinginde birinji orny 2,667 trln ýuan ($412,94 mlrd) girdeji bilen HHR-iň Döwlet elektroulgam korporasiýasy eýeledi. Ikinji orunda 1,959 trln ýuan ($303,3 mlrd) bilen Hytaýyň Milli nebitgaz korporasiýasy (CNPC), üçünji orunda 1,957 trln ýuan ($303,05 mlrd) bilen Sinopec nebithimiýa ägirdi ýerleşdi diýip, TASS habar berýär.

Konfederasiýanyň maglumatlaryna görä, şeýle ösüş dünýäniň iň uly 500 kompaniýasynyň girdejisiniň peselýän döwründe (4,81%) hasaba alynýar. Guramanyň başlygynyň orunbasary Çžu Hunženiň pikiriçe, “innowasiýalara berilýän üns” sebäpli Hytaýyň kompaniýalarynyň ösüşi üçin täze mümkinçilikler peýda boldy. 

Reýtinge görä, HHR-iň iň uly 500 kompaniýasynyň jemi girdejisi 7,75% ýokarlanyp, 6 trln ýuandan ($928 mlrd) geçdi.

HHR-iň kärhanalar konfederasiýasy 500 sany milli iri kompaniýanyň reýtingini her ýyl neşir edýär. Bu sanaw ýurduň ösüşindäki esasy tendensiýalary, onuň halkara bazarlaryndaky ornuny yzarlamaga mümkinçilik berýär. 


22.06.2025 11:33
4.1k+

Labubu öndürijisi hytaý gazetindäki ýiti tankyt sebäpli $4 mlrd ýitirdi

Meşhur Labubu oýnawaçlaryny çykarýan Pop Mart kompaniýasynyň eýesi “Ženmin žibao” gazetindäki ýiti tankytdan soň tas 4 mlrd dollar ýitirdi. Kompaniýanyň paýnamalary Gonkong biržasynda birden arzanlady diýip, South China Morning Post habar berýär...

16.06.2025 14:17
4.4k+

Labubu oýnawaçlarynyň üstünligi Pop Mart-yň eýesini iň baý hytaýlylaryň birine öwürdi

Labubu oýnawaçlarynyň meşhurlygy Pop Mart kompaniýasynyň eýesi Wan Nini Hytaýyň iň baý on adamynyň birine öwürdi. Forbes-iň maglumatlaryna görä, häzir onuň baýlygy 22,7 mlrd dollara barabar. Oýnawaçlara bolan isleg kompaniýanyň paýnamalarynyň bahasynyň 34 dollardan 270 dollara çenli ýokarlanmagyna getirdi...

19.04.2025 23:05
7.2k+

Apple Hytaýyň smartfon bazarynda bäşinji orna düşdi

2025-nji ýylyň birinji çärýeginde Hytaýda smartfon bazary 3,3% ösüp, 71,6 mln smartfona ýetdi. IDC-niň maglumatlaryna görä, ösüşe 810 dollara çenli bahadaky smartfonlar üçin döwlet ýeňillikleri we Hytaý Täze ýylynyň baýram edilen döwründe möwsümleýin isleg ýardam etdi...

02.04.2025 10:13
5.6k+

Ululygy boýunça dünýäde üçünji polat öndürijisi ýyly bir milliard dollar ýitgi bilen jemledi

Hytaýyň Angang Steel polat öndüriji kompaniýasy 2024-nji ýyly 7,12 milliard ýuan (981 million dollar) möçberinde arassa ýitgi bilen tamamlandy. Bu 2023-nji ýylyň görkezijilerinden iki esse ýaramaz diýip, Bloomberg...