"Soýuzmultfilm" film studiýasy "Dur bakaly!" multfilminiň täze bölümini döreder. “Dur bakaly! Dynç alyş” diýlip atlandyryljak bu bölüm 2021-nji ýylyň ahyrynda çykar diýip, 360tv.ru habar berýär.
Meşhur multfilmiň täze bölüminiň çykaryljakdygy baradaky habary ilkinji bolup, film studiýasynyň baş prodýuseri Ýuliýa Osetinskaýa mälim etdi. “Dur bakaly! Dynç alyş" multfilminiň premýerasy şu ýylyň ahyrynda bolar" diýip, TASS Osetinskaýanyň sözlerini getirýär.
Multfilmiň täze bölüminde begemotlaryň maşgalasy, ajaýyp Jeren, sportçy torsuk Tim, Kirpi, Çaga pişik, Doňuzjyk we başgalar ýaly täze gahrymanlaryň peýda bolmagyna garaşylýar. Şol bir wagtyň özünde baş gahrymanlar öňküligine galar: Möjege - Garik Harlamow, Towşana bolsa Dmitriý Hrustalýow ses berer.
Meşhur Sowet multfilminiň täze goýberilişleriniň üstünde işlemeklige 2020-nji ýylda başlandy. "Dur bakaly!" multfilmini täzeden goýbermegi "Soyuzmultfilm" isleg bildirdi. Birinji möwsümde ol 52 bölümi öz içine alar diýlip garaşylýar.
