WTA-nyň 2021-nji ýyldaky Jemleýji çempionaty Meksikanyň Gwadalahara şäherinde geçiriler. Bu barada tapgyryň resmi web sahypasyna salgylanyp, championat.com habar berdi.
Ýaryş 8-nji noýabrda başlar. Ol geçen we häzirki möwsümlerde Şençžen şäherinde (Hytaý) geçirilmelidi. Ýöne 2020-nji ýylda koronawirus pandemiýasy sebäpli WTA-nyň finaly ýatyryldy we bu möwsüm ýaryşy Meksikada geçirmek kararyna gelindi.
WTA-nyň ýolbaşçylygy WTA-nyň Jemleýji çempionatynyň, öňden meýilleşdirilişi ýaly, 2022-nji ýyldan 2030-njy ýyla çenli Şençžen şäherinde geçiriljekdigini öňe sürýär. Ýöne mart aýynda Gwadalahara WTA-250 ýaryşyny kabul etdi.
2019-njy ýylda Şençžen şäherinde geçirilen WTA-nyň Jemleýji çempionatynda awstraliýaly tennisçi Eşli Barti ýeňiji bolupdy. Şonda ol ukrainaly türgen Elina Switolinany 6:4, 6:3 hasabynda ýeňipdi.
