Jastin Biber MTV wersiýasy boýunça «Ýylyň ýerine ýetirijisi» boldy

  • 16.09.2021 12:09
  • 4.7k+

Kanadaly aýdymçy Jastin Biber MTV Video Music Awards (MTV VMA) baýragynyň wersiýasy boýunça “Ýylyň ýerine ýetirijisi” diýlip yglan edildi. Biber geçen ýylyň koronawirus pandemiýasy sebäpli hemmeler üçin kyn bolandygyny belledi we özüniň aýaly Heýli Bolduine aýratyn minnetdarlyk bildirdi. 

Kanadaly pop-aýdymçy bilen bilelikde Ariana Grande, Doja Cat hökmünde belli bolan Amala Dlamini, Megan Piti (Megan Thee Stallion), Oliwiýa Rodrigo we Teýlor Swift hem bu baýrak üçin bäsleşdi. Mundan başga-da, Biberiň Dezmann Ewans (Giveon) we Eşton Simmonds (Daniel Caesar) bilen bilelikde ýerine ýetiren “Peaches” atly kompozisiýasy “Pop-aýdym-saz” kategoriýasynda iň gowusy boldy diýip, TASS habar berýär.

Şu ýyl awgust aýynda 40 ýyl bolan teleýaýlymyň baýragy özüniň adaty görnüşine gaýdyp geldi. Baýraklar Bruklindäki Barclays Center sport meýdançasynda muşdaklaryň gatnaşmagynda gowşuryldy.

MTV Video Music Awards baýragy 1984-nji ýylda MTV aýdym-saz teleýaýlymy tarapyndan esaslandyrylmak bilen, wideoklip döretmek gurşawynda iň abraýly baýraklaryň birine öwrüldi. Onuň laureatlaryna teleýaýlymyň logotipi şekillendirilen baýdakly skafandrda bolan astronawt görnüşli heýkel gowşurylýar.

28.07.2025 19:11
2.7k+

Freywille zergärlik brendi suratkeş Frida Kalonyň hormatyna şaý-sep kolleksiýasyny çykardy

Awstriýanyň Freywille zergärlik brendi meksikaly suratkeş Frida Kalonyň (1907-1954) döredijiliginden ylham alyp döredilen ¡Viva la Vida! şaý-sep kolleksiýasyny çykardy. Dizaýnerler Kalonyň dört suratyna ýüzlendi: “Maýmynlar bilen awtoportret”, “Men we totuguşlarym”, “Tikenekli monjuk we kolibri bilen awtoportret” hem-de kolleksiýa ady dakylan “Ýaşasyn durmuş...

13.07.2025 18:42
2.6k+

Dior we Lýuis Hemilton täze egin-eşik kolleksiýasyny hödürledi

Dior moda öýi “Formula-1-iň” meşhur ýaryşa gatnaşyjysy Lýuis Hemilton bilen bilelikde täze egin-eşik kolleksiýasyny hödürledi. Ol Marokkonyň, Senegalyň, Mozambigiň, Beniniň we Madagaskaryň medeniýetlerinden ylham alyp döredildi...

04.07.2025 18:53
5.1k+

Louis Vuitton 10 müň dollara halas ediş halkasynyň şekilinde ýantorba çykardy

Louis Vuitton fransuz moda öýi halas ediş halkasynyň şekilinde üýtgeşik ýantorba hödürledi. Onuň bahasy 10 müň dollara barabar. Aksessuar wintaž stilindäki ýazgy bilen brendiň nusgawy reňkinde ýerine ýetirildi, bu hem ony tomusky obraz üçin tüýs laýyk edýär...

04.07.2025 17:05
8.2k+

Prada hindi şypbyklarynyň dizaýnyny ogurlamakda aýyplandy

Prada italýan moda öýi hindi şypbyklarynyň dizaýnyny göçürmekde aýyplamalar bilen ýüzbe-ýüz boldy. Dawa Milanda erkekleriň Moda hepdeliginde brendiň täze kolleksiýasy görkezilenden soň başlady diýip, Daily Mail neşiri ýazýar...